Olimpiada 2º ESO/ Rebumbio matemático 6º EP/ Pangea

Boas novas!!  

O alumno de 2º ESO, Mateo Sánchez Rendo pasou á fase final galega da Olimpiada Matemática de 2º ESO que se celebrará en Lugo o vindeiro 26 de maio, en plenas festas da Ascensión…pode ser premonitorio…Oxalá! De quedar ben clasificado poderá acceder á fase final española.

O día seguinte, o 28 de maio, os alumnos Vega Rodríguez Beloso, Jóse González de la Ballina Peleteiro e Marina Mosquera Pérez tamén clasificados para a fase final galega do Rebumbio Matemático disfrutarán da proba final para acceder ao podio galego. Fóra de premios e de rivalidades o seu desexo é pasalo ben, traballar en equipo e disfrutar das tan queridas matemáticas. 

Por último, Os alumnos de 4º EP participaron na última semana de abril no concurso matemático Pangea. ( Online). Disfrutaron dunha nova experiencia e dunha maneira diferente de traballar as matemáticas. 

10 deles, Miguel, Paulo, Jesús, Pablo, Sophía, Carla, Olalla, Lola e Luís clasificáronse para a seguinte fase que farán nesta semana do 9 de maio.

A todos eles moita sorte e a seguir así!!! 🍀 🧮 📈

#ConCienciaCluny

XACOMAT2022: O principio dun gran camiño

 “XACOMAT2022: O principio dun gran camiño” é un proxecto estadístico que Ruyi, Julia, Sofia, Fabio e Oscar , alumnos e alumnas de 1º ESO coa colaboración dos seus compañeiros e compañeiras da clase, presentaron ao XII Concurso Incubadora de Sondeos y Experimentos que a Sociedade Galega para a promoción da Estatística e a Investigación de Operacións ( SGAPEIO) organiza para estudantes da ESO, BACH e FP. Estiveron dúas xornadas recollendo datos para o estudo cruzándose con personas moi agradables; sentiron de cerca a emoción desa tan ansiada chegada  á Praza do Obradoiro e caeron na conta da magnitude do Camiño de Santiago. Puxeron toda a ilusión e o bo facer matemático e… agora agardan aos primeiros días do mes de xuño o resultado do seu traballo e esforzo!! Sorte e sexa o que sexa…a seguir así!!

#ConCienciaCluny

#CamiñoDeSantiago